صحيفة السوسنة الأردنية

في عيادة الأسنان هناك (بوستر) تشريحي لسنّ كبير معلق على باب العيادة..وعلى الواجهة المقابلة لوحة نصائح عن استخدام المعجون والفرشاة يعرفها جيداً لكنه لا يتقيد بها.. حاول أن يتسلّى أبو يحيى بكتيبّات قديمة مهملة على الطاولة تتحدث عن عذاب القبر وعن سكرات الموت ..لا لشيء،فقط ليتخلص من عذاب صوت حفارة الأسنان المزعج الذي يزنّ بتواصل دون انقطاع..ولينشغل عن صوت المضمضة التي يقوم بها المريض بين الحين والآخر..

ترك ما بين يديه عندما ساد العيادة سكون شهي، يوحي أن الطبيب أنهى عمليات الحفر والحشو،أنصت لما قاله الطبيب للمريض الذي انهى علاجه للتو : (لا توكلش عليها من هون لساعتين..وإذا أوجعتك بعد ما يروح البنج،خذ حبّة بنادول). خرج المريض من العيادة وهو يحس ثقل الدنيا في شفته السفلى، حاسب السكرتيرة وغادر.. نظرت السكرتيرة الى الملف التالي ونادت: الحج أبو يحيى تفضل..

دخل ابو يحيى الى غرفة الطبيب، خلع شماغه وعقاله ووضعهما على شماعة الطبيب،جلس على كرسي الفحص وكشف عن بطنه،وأرخى دكّة سروالة ثم تدارك خطأه فغطى بطنه وشد الدكة من جديد.. وبدأ الحوار التالي :- * الطبيب :- أهلين بالحجي .

* ابو يحيى :- اهلين بلحيتك!! * الطبيب:- شو بوجعك؟! * ابو يحيى :- كل شي!! * الطبيب : افتح ثمّك! * أبو يحيى يفتح فمه!! * الطبيب : يا رجل هاي انت مركّب طقم، يعني لازم ما فيش اشي يوجعك!! * ابو يحيى :بعرف! * الطبيب : طيب لويش جاي لعندي .

* أبو يحيى : هسع بقلّك! انت شو سويت للزلمة اللي قبلي؟ * الطبيب :سحبت له عصب!! * ابو يحيى: شو يعني سحب عصب؟ * الطبيب: سحبت له عصب الطاحونة، يعني بصير يوكل كل شي بدون ما توجعه طاحونته!! * ابو يحيى :عليك نور! بتقدر تسحبلي عصب العقل؟ * الطبيب مش فاهم عليك.

* أبو يحيى : بلكي يوم تسحب لي عصب العقل، أصير افكر بكل شي بدون ما يوجعني عقلي !!.

ahmedalzoubi@hotmail.com