وقفة احتجاجية قرب سفارة العدو بالرابية   |   مسيرة غاضبة في الوحدات ..   |   الاردن : امام مسجد يغمى عليه حزنا..   |   تقرير الحوادث   |   مسيرتان في اربد ..   |   صواريخ بمسيرة الحسيني .. صور   |   مسيرة بالزرقاء منددة بالعدو ..   |   الملك يصلي الجمعة اليتيمة بعجلون .. صور   |   رمضان ينتهي كما بدأ بمرتفع جوي ..   |   اسقاط طائرة بدون طيار فوق المفرق ..   |   فنانة مصرية تطالب بترخيص الدعارة .. فيديو   |   اخر تطورات الطائرة الجزائرية المنكوية   |   ياسر ابو هلالة مديرا لقناة الجزيرة   |   غزة معتقل ومحرقة لشعب مشرد - النائب السابق: محمد بخيت المعرعر   |   عناصر من داعش يدعسون علم فلسطين باقدامهم .. ! فيديو   |   ما المطلوب من الاردن - اميرة الحويطات   |   800 شهيد وتركيا تنتقد العرب .. أسماء   |   غزة : ليلة القدر بالكنائس وفتوى استثنائية ..   |   احتراق شقة في طبربور   |   الوفيات : 2014-07-25   |   الملك يشارك المصلين إحياء ليلة القدر .. صور   |   جودة يبحث اوضاع غزة ..   |   ارتفاع حصيلة الشهداء الى 797 شهيداً ..   |   السفير الفلسطيني يثمن الجهود الاردنية ..   |   ضبط 1622 متسولا منذ بداية العام   |   نتائج التوجيهي بعد عطلة العيد ..   |   قرارات مجلس الوزراء ..   |   تشييع جثمان قتيلة معان ..   |   وفاتان قبل لحظات من الافطار ..   |   تفاصيل لقاء الملك مع عباس ..   |  

حكايات اغرب من الخيال ترافق الباحثين عن الذهب في اربد

17/04/2009 00:00


حازم الصياحين - اتسعت مؤخرا ظاهرة النبش في الاودية والمغر والكهوف والسراديب القديمة املا في العثور على كنوز ذهبية ودفائن ولقايا وحلي يعتقد انها مطمورة في باطن الارض منذ مئات السنين.

ويستعين الباحثون عن الكنوز بالات ومعدات واجهزة الكترونية حديثة وخرائط قديمة وخبراء اثار لارشادهم الى مفتاح يوصلهم الى حلم الحصول على الذهب رغبة في الانتقال من حياة الفقر والبؤس .

وسجلت مدينة اربد خلال الاشهر الماضية حالات عديدة مشابهة ما زالت مثار خلاف وجدل بين المواطنين فمنهم من يصدق واخر يكذب ما يسمع حيث اضطرت دائرة الاثار الى طمر عدة مغر قديمة في منطقة الصريح اكتشفت اثناء حفريات الصرف الصحي وشاع وقتها عثور احد المواطنين على صندوق ذهبي مما دفع الاثار الى طمر المغر بعد تهافت الاف المواطنين الى الموقع وتبين لاحقا انه مجرد مدفن روماني لا اكثر.

وما زالت روايات شهيرة متداولة الى اليوم يتناقلها المواطنون في جلساتهم حول تغير حياة اشخاص من الفقر الى الثراء الفاحش والبذح اثر عثورهم على كنوز ومئات من القطع الذهبية سواء داخل منازلهم او في مغر وكهوف قديمة حيث ما زالت قصة فرار عامل وافد الى بلاده في تسعينيات القرن الماضي متداولة الى اليوم بعد ان عثر على صندوق ذهب اثناء اجراء حفريات لاساسات احد المساجد في منطقة المغير.

وينسج مواطنون قصصا اصبحت بنظر الكثيرين واقعية ولكنها لم تاخذ درجة القطعية لغاية اللحظة وانما بقيت مجرد اقاويل ومعلومات ورثتها الاجيال ممن سبقوهم حول وجود دلالات واشارات معينة لمكان الكنز يطلق عليه اسم الرصد ويتمثل أي ـ الرصد ـ بوجود افعى او دجاج وصيصان او ارانب تظهر على مقربة من مكان الكنز ولكن سرعان ما تختفي عند مشاهدتها من احد.

وبحسب ما يتداول الباحثون عن الكنز والذهب ان الرصد وضع من قبل القدماء منذ مئات السنين من اجل حماية الاموال التي تدفن مع صاحبها عند وفاته لكي لايتجرأ احد على اخذها والاقتراب منها لاعتقادات تتعلق بان هذه الاموال ستبقى ملكه في الحياة الاخرة اذ يحتاج فك وازالة الرصد للحصول على الكنز الى تعاويذ وقراءات معينة.

* عميد كلية الاثار في جامعة اليرموك الدكتور زيدون محيسن اعتبر ان وجود الكنوز الذهبية في باطن الارض امر غير صحيح ومجرد خرافات وقصص خيالية واساطير توارثتها الاجيال مشيرا الى احتمالية انتقال قطع ذهبية في مجاري السيول المارة ضمن احد المواقع الاثرية القديمة الى مسافات بعيدة وتكون قد دفنت وطمرت في باطن الارض وعند العثور على هذه القطعة فان الموضوع يتطور الى ان المكان يحتوي على كنز ضخم ولكن الحقيقة خلاف ذلك.

حقيقة الرصد

واوضح محيسن ان الرصد محض خيال لا اكثر وان قصة الرصد بدات عندما اكتشفت مقبرة الفرعون المصري "توت عنخ امون" عام 1920 من قبل العالم الانجليزي هاورد كارتر وتم العثور فيها على كنوز ذهبية ضخمة حيث بدات القصص تكثر اثر موت اشخاص بعد ان زاروا المدفن فساد اعتقاد وقتها انه تم وضع تعاويذ خاصة للمقبرة من قبل المصريين القدماء او ان هناك رصدا تتسبب بوفاة هؤلاء الاشخاص لكن الحقيقة ان الصدفة لعبت دورا بوفاة الاشخاص الذين دخلوا المدفن بعد اكتشافه وتبين لاحقا ان اسباب الوفاة اما بسكتة قلبية او حادث طبيعي .

واضاف ان مكتشف المدفن "كارتر" وابنته ايفلين التي دخلت المدفن وعمرها 18 عام ظلوا على قيد الحياة لعشرات السنين حيث توفيت ابنته وعمرها 95 عاما الامر الذي يؤكد ان وفاة بعض الاشخاص الذين زاروا المدفن كان بمحض الصدفة لكن البعض ربط سبب الوفاة بالمدفن وهو امر لا اساس له من الصحة مشيرا الى ان قصة الرصد بدات بالانتشار تباعا من شخص لاخر.

الات الكترونية

واشار زيدون الى انتشار الات مختلفة اصبحت متداولة بين الاشخاص الباحثين عن الذهب مبينا ان هذه الالات عبارة عن اجهزة جيوفيزيائية تعطي اشارات معينة حال وجود الغام او أي شئ معدني مدفون داخل الارض لكنها في الحقيقة لا تميز بين ذهب وفضة وحديد منوها الى ان الارض مليئة بالمعادن وان اعطاء اشارة لايعني بالضرورة وجود ذهب.

العثور على ذهب

واشار عميد الكلية الى ان جميع الدراسات التي اجرتها الكلية في مواقع اثرية ومدافن قديمة في المملكة دللت على أن الأشخاص الذين دفنوا فيها لم يعثر معهم سوى على قطع ذهبية بسيطة لم تتعد الخاتم مرجعا ذلك لارتباطه بالدرجة الاولى بان الذهب يورث من شخص لاخر مع تعاقب الحضارات وان دفن قطع ذهبية باعداد كبيرة جنبا الى جنب مع الشخص المتوفي مجرد خزعبلات وخرافات.

ثعابين ورسومات

وحول ارتباط رسم الثعبان بمكان الذهب بين محيسن ان رسومات الثعبان معروفة منذ العصور القديمة وترمز الى شئ معين حيث كانت الرسومات وخاصة افعى الكوبرا رمزا مهما عند المصريين القدماء وكانوا يعتبرونها انها تحمي الفرعون او الشخص المتوفى فيما ترمز ـ الافعى ـ الى الحياة ما بعد الموت بالنسبة للحضارة اليونانية مشيرا الى وجود مدفن في مدينة البتراء الوردية يطلق عليه مدفن "الافعى" حيث ان هناك افعى ضخمة منحوتة في الصخر.

واشار الى ان العديد من المدافن وجدت عليها او على مقربة منها رسومات بارزة تمثل افاعي وكانت بحسب اعتقادات القدماء عبارة عن حماية للشخص المتوفى وفسرها الباحثون عن الكنوز بانها دلالة على وجود ذهب وكنوز وهذا امر غير صحيح.

نصب واحتيال

واضاف عميد الكلية الدكتور زيدون ان ادعاءات بعض المواطنين بوجود اناس متخصصين لاظهار الكنز وفك الرصد من خلال تعاويذ وقراءات معينة ليست الا من باب النصب والاحتيال على المواطنين مشيرا الى احدى القصص الواقعية التي حدثت في احدى مناطق المملكة حيث قام مجموعة اشخاص باحضار شيخ لاظهار احد الكنوز وفتحه بمكان معين وبتخطيط مسبق قام الاشخاص بطلي خشب بلون شبيه بالذهب وتم دفنه داخل الارض وبعد اخراج الكنز قام الاشخاص ببيع الخسب المطلي بالذهب لاشخاص اخرين حضروا واقعة فتح الكنز.

واشار الى ان بعض المحتالين يقومون باستغلال الظروف المالية الصعبة للمواطنين من خلال التحايل عليهم بهذه الطرق البشعة محذرا من خطورة وتاثير ذلك على المجتمع لما تسببه من اذى مادي ومعنوي على الضحايا .

ديك يظهر ويختفي في ام قيس

واشار مدير اثار محافظة اربد وجيه الكراسنة الى ان المديرية تعاملت عام 1994 مع احدى القصص المتعلقة بوجود رصد في اثار ام قيس حيث كان الرصد بحسب روايات السكان المحليين عبارة عن ديك يظهر في ساعات المساء ويختفي بين الاثار عند مشاهدته من قبل احد لااشخاص لافتا الى ان المديرية قامت باعلام المواطنين بان الرصد عبارة عن خرافة لكن لم يصدق احد .

واضاف ان احد حراس الموقع شاهد الديك وقام بملاحقته وامسك به وتبين لاحقا انه يعود لاحد السكان القريبين من الاثار وتم اعادته الى صاحبه .... فما كان من المواطنين الا السخرية من القصة التي سيطرت على احاديثهم انذاك.

لا وجود للذهب

واشار الكراسنة الى ان قرابة 12 شخصا قاموا بالتنسيق مع الدائرة من اجل البحث عن ذهب وقطع اثرية في مناطق مختلفة وضمن اتفاقيات محددة مشيرا الى ان جميع الاشخاص لم يعثروا على شئء من الذهب رغم تاكيداتهم قبل مباشرة الحفر بان هذه الاماكن مليئة بالكنوز والذهب مؤكدا ان الدراسات والتنقيبات الاثرية اثبتت انه لاوجود للذهب في المغر والكهوف والسراديب القديمة حتى في الاودية مشيرا انه حال العثور على شئ منه فانه يكون بمحض الصدفة لااكثر ولا يتجاوز في اغلب احيان بضعة قطع.

ازالة تل راحوب لاحتوائه على ذهب

ولفت الكراسنة الى احد الاشخاص قام باخذ موافقة من الجهات المعنية من اجل التنقيب عن الذهب في تل راحوب القديم بمنطقة المغير وواصل البحث والنبش في التل لاسابيع واشهر الى ان ازال التل باكمله دون ان يعثر على قطعة ذهب واحدة حيث اصيب بعد ذلك بخيبة .

قانون الاثار وعقوبات

ووفق الكراسنة ان المادة "14" من قانون الاثار رقم "21" لسنة 1988 وتعديلاته تنص على"يحظر على أي شخص طبيعي او معنوي القيام باية حفريات في المواقع الاثرية بحثا عن الدفائن الذهبية او اية دفائن اخرى".

واضاف ان المادة "27" من نفس القانون تنص على"يعاقب بالحبس مدة لاتقل عن شهرين ولاتزيد عن سنتين او بغرامة لاتقل عن 500 دينار وبما يتناسب مع قيمة الاثر كل من اكتشف او عثر على اثار صدفة او علم باكتشافه او العثور عليه ولم يبلغ وفقا لاحكام القانون".



اربد المغير -راحوب

1

تعالو على المغير وشوفو


يا سوسنه رجاء يدون حذف

2

هذا شكلوا دكتور مش عارف ربه وين حاطه شكله بتخوث كثير هسه مافي رصد ماشي مافي بطيخ ماشي والك الذهب والقطع الانتيكاه بلعتها الارض وتحولت لتراب والامم السابقه ما كانوا يتعاملو بالذهب والمعادن والمجوهرات طيب وما بدنا نبعدها كثير الاتراك ماكانوا بالبلد وما كان معهم ذهب اه كما كانوا ما بعرفو الذهب واللك تعال وشوف السكه وشوف كم في ناس طلعوا من عندها طيب بدي اسئل سوال في اكثر من جبل بالبلد مثل جبل الخناصري وجبل مشابه اله بالكرك هذا اشكالها لا توحي بانها جبال والمعرف او الشائع بان تحتها قلاع وحصون طيب ليش ما بظهروها للناس ....... مالله ما سمعنا انوا ما في ذهب بالبلد غير من هالتكتوررر سلم الي عليه


هالتكتور من وين

3

ششششششششو من وين جايب شهاده الدكتوراه اكيد جارهم معطيه شهاده بال....... الفاضي


اردني واقعي

4

موضوع البحث عن الذهب نهايته الهوس



5

والله يا محيسن ويا كراسنه منتو عارفين اشي قبل شهرين عثرت على جرة مليانه تركي


بحيش لقاية

6

والله اللي بدري بدري واللي ما بدري بقول كف عدس الصريح والحصن مليانه ذهب ولقاية


زينب

7

ولا حبة عقل


عبير

8

الدهب موجود ولكنهههههههههه ......


برقاوي

9

والله في ناس في اربد صاروا مليورينيه.... وزنجلوا


ربداااوي

10

يا دكتور الذهب موجووود تركوه الأتراك العثمانيون وراهم وانا بعرف ناس اكثيييير لقوا ذهب و تحولو ا من ققرا الى اغنياء


العباصره

11

تعالوا على ساchب وشوفوا اكم واحد كان تحت خط الفقر ب100 درجه وبلمحة عين صاروا من اصحاب رؤوس الاموال . . ...!!؟؟ اكيد مش من تجارة المخدرات . . ...!!!!!


قارئ للسسنه ومتابع الرزرقا

12

الحقيقة لاادري كيف انطلت على السوسنه فهذه حكاية قراناها على النت وعلى لسان مصريين كيف تحولت لاردنيين لاادري ولو تابع القارئ البحث عن الذهب لوجد المقاله حرفيا الا بتغيير البلد والموقع والاسماء احنا مش فاضيين للقراءة المطوله كل واحد بالف مجلد لكن مين يقرا قصص وخرافات اعطونا شئ مفد هو هذا الرجل مابعرف غير هيك ولا مافي كتبه ياسوسنه


ابو اوس الروسان / من ام قيس

13

انا من سكان مدينة ام قيس والقصة التي رواها عن الديك كذب ولا اصل لها وهو يريد الاساءة لاهل ام قيس


العكش

1
الجن والذهب المرصود

كان شخص من الروسان في ام قيس ينكش في ارضه بمنطقة الاثار وهو ينكش فتحت مغارة يوجد فيها كوم من الذهب تفاجى وذهب الى دائرة الاثار وخبرهم ولما اتوا الى المنطقه لم يجدوا لا مغاره ولا شى لانه هذا الذهب مرصود من الجن


هذا من نتاائج البورصة

14

نتائج البورصات


أحمد العمري

15

تحليل علمي غير موفق والذهب موجود وقد وجد ناس الذهب وأعرف بعضهم شخصياً


اربداوي يرد على التعليق 1

16

بتسمع قصص عن ذهب محروس بجن ومرصود وبقعدوا يحلفولكم ايمان ما انزل الله بها من سلطان انها مرصودة: 1- هل يوجد لدينا قبور وكنوز اكثر من الفراعنة!!! قبر توت عنخ امون ملئ بالكنوز ليش الاجانب لما اكتشفوه ما طلعلهم رصد الفراعنة اللي بنوا الاهرامات ووصلوا لانجازات علمية وعندهم قبور وكنوز في وادي الملوك ليش ما طلع للصوص وعلماء الاثار والهواة رصد لما فتحوا القبور 2- ليش البابليين والسومرين والفنيقيين والرومان كل قبورهم تم فتحها واكتشاف كنوزه ليش ما طلع رصد وجن وحيايا للناس ولا بس عندنا البخور والجن والرصد 3- خزعبلات ما انزل الله بها من سلطان لا وردت في دين ولا سنة ولا عقل ولا منطق بس عندنا جماعتنا بحبوا يؤمنوا باشياء لا توافق لا عقل ولا دين بس الجوع بخلي الناس تصدق اشياء عجيبة غريبة


الرصد حقيقي

17

الرصد موجود و بشهادة من الشرطة لكان شو بتحكو لما كانو يعمرو بالمجمع إللي جديد عند البالي لما إكتشفو مغارة إجا دخلشرطي يستكشف شو في إجا طلع يصيح بأعلى صوتو رصصصصصصصصد على شكل حية كبيرة فدخل بعديو شرطي أاخر و صار يطخ جوا المغارة بعدين إجو الدرك و طوقو الموقع وما خلو حدا يقرب و جابوو شيوخ عشان يقرأو عالموقع و هالقصة كتيير معروفة لأهل المنطقة


اربداوي يرد على التعليق 1

18

بتسمع قصص عن ذهب محروس بجن ومرصود وبقعدوا يحلفولكم ايمان ما انزل الله بها من سلطان انها مرصودة: 1- هل يوجد لدينا قبور وكنوز اكثر من الفراعنة!!! قبر توت عنخ امون ملئ بالكنوز ليش الاجانب لما اكتشفوه ما طلعلهم رصد الفراعنة اللي بنوا الاهرامات ووصلوا لانجازات علمية وعندهم قبور وكنوز في وادي الملوك ليش ما طلع للصوص وعلماء الاثار والهواة رصد لما فتحوا القبور 2- ليش البابليين والسومرين والفنيقيين والرومان كل قبورهم تم فتحها واكتشاف كنوزه ليش ما طلع رصد وجن وحيايا للناس ولا بس عندنا البخور والجن والرصد 3- خزعبلات ما انزل الله بها من سلطان لا وردت في دين ولا سنة ولا عقل ولا منطق بس عندنا جماعتنا بحبوا يؤمنوا باشياء لا توافق لا عقل ولا دين بس الجوع بخلي الناس تصدق اشياء عجيبة غريبة


باحث ذهب

19

الذهب موجود بكميات في الاردن لانها بلد الحضارات ( اليونانية و الرومانية والبيزنطية و..........) اما كلام بعض المسؤلين غير منطقي ، والبحث عنه ضروري


قروي مغترب

20

مع الأسف الشديد والله لا الكراسنه ولا المحيسن داريين عن الله وين حاطهم أو إنهم عاملينها حكر على حالهم . والله بقريتنا في ناس بلاوي لقوا ذهب وصار وضعهم زلابيا بعد ما كانوا مش ملاقيين حق كيلو الخبز . وتحياتي للجميع وصحتين على قلب الحفيير


عصفوره فوق الشجره

21


..........

22


super jounior

23

مين بحكي انو ما في رصد ... احفر وطلع الذهب و بالاخير الحكومه على البارد المستريح ابتيجي توخدو و ابتعطيك 20 دينار بدل اجار المصاروة اللي معك


احول بس مركز

24

انا مصدقكم شوفو باقي الناس ههههههههههههه


مجنون

25

صاحب ----- لقي ذهب وصار مليونير


نبيييييييييييييييييش

26

في اربعة في كفرسوم قالبين مخنا كل يوم ................ ههههههههههههه



27

اكبر مؤشر على طفر الناس


احمد مواجدة

28

هالقصة صرت قاريها عشرات المرات وهي موجودة بس هالقرى اللي ذكرها مابعرف وين وكيف لوقها بيها وبالاسما


الهام عمان

29

الظاهر السوسنه بدها تصير مثل غيرها تنقل خرافات شو هالحكي والاستخفاف بعقونا حولو الموقع لمكتبة عودتونا عالخبر الحلو مش القصص والخرافات بالظاهر الكاتب ياناقل الموضوع ياماعنده شغل


ابن الأردن

30

هذا الكلام وخاصه كلام الدكتور عميد الكليه غير صحيح ولا ينطوي على اي علم ، فالأرض مليئة بالدفائن التركيه والرومانيه ، ولهون وبس



31

عاهاتك يا وطن..عاهاتك يا وطن


هتلر الملchاوي

32

يعني الذهب اللي كانوا يستخدموه الحضارات الكثيره في الاردن وين راح اجبني يا محيسن اللي مش مصدق انه فيه رصد ييجيني على ملكا (ملchا)هههههههههههه


حموده

33

؟؟؟؟؟؟؟؟؟؟؟؟؟؟؟؟؟؟؟؟؟؟؟؟


البحار

34

نسبه كبيره من الي بدوروا الذهب باعوا كل الي حيلتهم او انجنوا


علوووش

35

صدقوني يا اخوان انه كثير من اصحاب العقارات ورؤوس الاموال طلعوا ذهب وحكي الدكتور محيسن مش صحيح واللي بدو يشوف مناطق يجي وانا بفرجيه لكن المشكله هي وجود الرصد وهذا الامر حقيقي وموجود بعكس ما قال المحيسن بانه لا يوجد رصد


أبوو العبدأ

36

بس الذهب موجود حتى الدفائن بطلعولها اعذار الله اكبر شو بتحبوا تبينوا للناس العهر الزائد


الحقيقة المطلقة

37

يا اخوان ليش بعض الاشخاص تنكر وجود الذهب يعني انو ما طلعلك لا يوجد ذهب لا عمووو كنوز الحضارات القديمة موجودة اين ......... الله اعلم ويوجد مليون بالمئة لكن اللي ما يلو نصيب .. مش حيلاقي وايضا بالنسبة للدجالين والمحتالين فهم اكثر من التراب والرزق على الله ولا تنكرو يا ناس الحقائق


سامي من الزرقاء

38

بدي ابطل ابيه سحبه واروح ادور على كنوز


اسال عني

39

اي شخص عنده علامه بالصخر او اي علامه موجوده او اي مغاره او كهوف انا بساعده كثير عندي خبراء واجهزه هذا اميلي -----


الشعب مش عارف شو بدو

1

بحكو انو مافي ذهب كيف ما في انا شوفت على نظر عيني طلعو الذهب كمان اكذب عيني


..

2

..


الصباغ

40

محيسن هذا التقرير أنت ضعيف فيه توصل الحقيقه مش تغطي على الحقيقه


حفير متقاعد

41

بدي امشي معكو زي ما بدكو يا دائرة الاثار وانه ما فيش ذهب انا اصلا عمري ما دورت على ذهب بدور على قزاز وفخار وحلق وخاتم طبعه صرصر ومن هالقصص . وهاي و اانمسك طبعا جريمه انا هناك بعض مدراء ثار ومعروفين كانو الهم شفت حفيرة رسمي يحفر بكل المناطق لحساب المدر والي بده اسم المدير موجود عندي ... والذهب موجود التركي والروماني واليوناني انا الرصد انا مع المحسين عباره عن خرافة لاني حفرت اكثر من 20 سنه ولازلت عند الحاجه وما عمري شفت اشي



42

اللهم صلي وسلم على نبيناااا محمد وعلى اله وصحبه اجمعين 1000 مره الرزق بيد رب العالمين اهم اشي يكون ي تقوى


رامي الشلبي

43

مئات الحضارات إستقرت في إربد وكان أاخرها الأتراك وعندما كانت تصير حرب كان الناس يخبوو أموالهم على أمل إنهم يرجعو يوخدوها بعد الحرب فشي طبيعي و مؤكد إنو كنوز الأمم السابقة لساتها موجودة بس الحكومة بدها توكلهم لحالها


ابو قيس .قطر

44

يا سيدي موضوع الذهب ليست خرافات ونحن نعلم اشخاص كثيرين غنوا من الذهب وهذه وقائع.فالموضوع ليس خرافات كما تفضل الدكتور ومعروف الذهب الروماني واتركي وهذا ليس فقط في الاردن .فالرومان كانوا يدفنون الذهب مع اثريائهم وهذا متعارف عليه عندهم وعند الحضارات القديمة .اما توارث الذهب فهذا عندنا نحن وليس عند الرومان كما تفضل الدكتور .فالتاريخ والوقائع واضحة


ملحة الحارة

45

الذهب موجود بس بدنا نطلعه ولا حكيي غلط....


حية نفر

46

الذهب موجود وكل الدنيا كانت وما زالت تتعامل به مبكفي انه من علامات الساعة خروج المسيح الدجال ويامر كنوز الارض بالخروج وتتبعه كاتها اسراب النحل. شو بدنا بطول السيرة فيه اجهزه حديثة تقوم بمسح باطن الارض لمعرفة الموجود بداخلها واللي عنده جهاز مرتب يحط ايميله او رقم التلفون


code blak

47

اللي مش مصدق انه الارض فيها كنوز .. يقرأ سورة الكهف ويوقف عند الآيه ((وأما الجدار فكان لغلامين يتيمين في المدينة وكان تحته كنز لهما وكان أبوهما صالحا فأراد ربك أن يبلغا أشدهما ويستخرجا كنزهما رحمة من ربك)) صدق الله العظيم.. وهنالك قصه جديده عن إمرأه تركيه أتت قبل أشهر الى الاردن / منطقة مغير السرحان/ حيث تريد الأموال التي تركها أجدادها الاتراك في داخل الارض ومعها الإثباتات والخرائط ..



48

البورصة وهمية


عجبا لامر الحكومه الاردنيه

49

حتى اللي تحت الارض للحكومه قال قانون قال طيب خلي الناس تدور شو بدكو فيهم واللي بلاقي شي يوخذه بدل ما يموت من الجوع لانه لو معه مصاري مابيضل داير بالوديان والمغر وشكرا للحكومه الرشيده


عصفوره

50

ههههههههههههههه


قرأت جميع التعليقات

51

ماشي يا اخوان الارض فيها كنوز ما اختلفنا بس اتفق مع اربداوي انه خزعبلات الرصد مرفوضة والجن مش وظيفته يحرس الذهب من وين جبتوا هالقصة ما بعرف


مهاوش

52

ان الله هو الرزاق ذو القوه المتين .. واحد اشتغل بهذا الموضوع سنوات عديده واخيرا وبمنتهى السهوله اخذها واحد ثاني بدون اي جهد وبالصدفه ولم يعلم الاول الا بعد فتره .. الرزاق هو الله .


ابن بني كنانه

53

لسا الشهر الماضي يا دكتور تسكر شارع بيت راس الرئيسي والهليكوبتر بتنقل ومحل الصناديق مبين بس يا حرام صاحب الجرافه لسا مو مبين ولكو خلص عيب عليكو بكفي البورصه سيطرتو عليها وكمان بدكو تمنعو الناس تدور باراضيها بس هاي ما راح تقدرو عليها وصحتين والف عافيه على قلب الشاطر.


احد العامة

54

بصراحة..فان احاديث الذهب والبحث عنه.. ومن اثرى او افتقر منه هي الطبق الرئيسي لسهرات الاردنيين..وبدونها لا طعم لها.. د.زيدون يشكك بوجود دفائن ذهبية او غيره..لكنه يتناقض في الوقت نفسه بتاكيده وجود دفائن ذهبية.. بما فيه اشارته لما وجده كارتر في مقبرة الفرعون..ووجود عملات جرتها سيول واودية..اذن فهي تكون قد سحبتها معها من مدافن او خبايا تكون قريبة من سطح الارض..هذا تاكيد على وجود خبايا ذهبية او فضية او غيره..علينا ان نتذكر هنا ان العملة الرئيسية عدا عن المقايضة كانت الذهب او الفضة..وعلينا ان نتذكر ايضا انه لم تكن لدى الحضارات القديمة بنوكا..وعلينا ان نفترض بالتالي ان باطن الارض كانت بنوكهم..لنتذكر ان اجدادنا وآابائنا وحتى وقت قريب جدا كانوا يجعلون من باطن الارض بنوكا لنقودهم وحتى الورقية منها.. صحيح ان هناك كثيرين افقروا انفسهم من البحث عن هكذا دفائن..لكن لا شك ان كثيرين ايضا وفقهم الله للعثور على خبايا..واحيانا بمحض الصدفة..والقصص كثيرة..هذا يؤكد لنا ان الاعمار والارزاق بيد الله عز وجل..


الكفرلماوي

55

تعالو على كفر الماء وشوفو كيف في ناس تحولت من اشي عادي وفجأه مصاري بالهبل الذهب هو السبب حتى في بنت ماتت لما دخولها المغاره من ورا الذب


مش مصدق

56

هذه افاعيل البورصة اربد والبورصة ثم اربد والدفائن الله يصلح الحال ويقنع العباد برزق رب العباد


حجحوج شمالي

57

اسألوا صاحب اسواق الردايده واربد مول عن الذهب وهو بدلكوا عمي في ذهب وفي رصد بس ليش التعتيم من قبل مدير الاثار وعميد كلية الاثار الله اعلم حتى قرية كتم ملانه ذهب والا شو راي المحرر هلا عمي


غسان

58

أنا ما بصدق بالرصد... ما بعرف ليش!


أبوو العبدأ

59

طب شو رأيكم انو خاتم سيدنا سليمان ونجمة سيدنا داوود موجودات في منطقة قريبة من الجسور العشرة وانا شفتهم بس في ظروف غامضة بالموضوع وكأنها رزق لأحد غيرنا أراده الله


ادم

60

يأتي خبر كهذا بوقت عصيب على اغلب المواطنين حيث من الفقر اصبح يبحث عن كنوز الارض لعلها تصدف معه ولكن هي رزقه من الله وليس بشطاره ولا بجهاز ولا برصد هي من عند الله والى الدكتور الكنوز موجوده واغلب المعلقين يعرفون ذلك لكن الحكومه حريصه فقط على ان لا يقع المواطن بالنصب والاحتيال تحت بند الكنوز او الذهب ومن ناحيه الرصد فهو موجود لعلك لن تسمع عن هذه الاشياء الجن موجود والسحر ولا تكذي قصه تعود لالاف السنين فهي ليس قصه انما حقيقه وتحت الارض للحكومه وفوق الارض للحكومه عدى المواطن فلم يهمها بشيء ادم


مقلى قديم

61

لو يدري عنك علي النص بطخك لانه من ملكا ل قرقوش كلها ذهب ع كل حال انهاذا بدك تشوف بعينك ملر ع القريه(كفرسوم) ومن ورجيك


ماجد من إربد

62

والله يا حكومة إنك صرتي مطلعة ذهب أكتر من مصاري الخليج بس إنتو ما بدكو الناس إتدور عشان هيكا عم تحكو, طيب تل المخيم مشان شوو سكرتو الشارع بالجرافات و إجت هيلوكوبتر و صارت تنقل ذهب و هالحكي إنتو إعترفتو في عالراديو و حتى أطلقتو على إربد إسم المدينة الذهبية يومها بكفي كذب عالناس حرام عليكو بعدين الأشخاص إللي بتحكو إنهم قامو بالبحث بالتنسيق معكو شو بضمنكو إنهم مالاقو يعني إللي بلاقي شي رح يحكيلكو إنو لاقى إلعبو غيرها عمو هادا رأيي و حريتي في التعبير يا سوسنة فأتمنى إنك تنشري لإنو هادا حقي كمواطن


قطعه ذهبيه

63

مجنون يحكي وعاقل يسمع.........ما اظن هالحكي صحيح....الذهب موجود بس مش لازم المواطن يستفيد...وما اظن يحكوا انه في ذهب بشكل صريح...وشكرا


ابو الذهب

64

الذهب معبي البلد والحكومه طلعت كثير ذهب . وليش يا محيسن تنفي وجود الذهب.


ارحم يا كراسنة

65

شو هي الموافقة الي بتحكي عنها للبتنقيب عن الذهب مع انه القانون بجرم ذلك ارحم يا كراسنة ارحم


محمد

66

تعالوا شوفوا هالرصد دايما قاعد باب المغاره!!!!!! والله يا جماعه متت كثر ما دورت ما لقيت غير علبة سردين من قبل 50 سنه!!!!


ابو ملحم

67

ولا جديتا مليانة واسلو ابو معتز وحسين الحسن


سنــد

68

مرة واحد لقى كنز.... قال مش باقي علينا غير نلاقي الخارطة!!؟؟


المومني وصل

69

تعالوا شوفوا عجلون بلد الذهب ....... ...... ..... . .. . . . . . . . . . .


اسال عني

70

قاصين التعليق السوسنه الي بده اجهزه يحكي يبعتلي اميله واي واحد عنده علامه وبده يشوف على ايش بدل بحكيله


صحيفة غير حرة السوسنة

71

أنتي صحيفه غير حرة يا سوسنه وبتخافي من الحكومة وما بتوصلي تعليقاتي نهائي



72

يا اخوان كلامهم مردود عليهم. لانه كل واحد عايش بالبلد عارف الي صاير. يعني يا اخوان الاردن كلها كانت مساكن للرومانين و الحظارات القديمه. والي بحكي انه في الارض ما فيش ذهب و لقايا بالمشرمحي بكون ملاقي لقيه واحده على الاقل. الناس بتغتني من ورا اللقايا. سؤال ممكن تجاوبوني ليش في بيت راس في اربد ممنوع تعمر او تحفر سنتي بالارض الا اذا معك مندوب من وزارة السياحه. و الرصد شيء حقيقي و الي مش مصدق يدبر حاله لانه ممكن يكون براسه رصد..


نادر - سحر

73

الذهب موجود ولكن بكميات قليلة لانة من سبقنا حفر وبحث ووجد كميات كبيرة من الذهب . لم يبقى الا القليل سحر صحيح يا عمررررررررررررررررري


الى 74

74

كيف ووين ممكن اشوفك او اتصل معك ياغالي


رياح الجنوب

75

من وجد ذهب لا يخبر احد.ومن من لايجد اما لا يصدق او يحاول تعتبر الاردن من اكثر المناطق التي يوجد بها ذهب على الاطلاق.من الحضارة الرومانيه الى البيزنطيه والتي تعتبر عصر النهضه والذهب.ثمن الحضارة العثمانيه او التركيه في اواخرها وملاحظتي في هذا الوقفه.ان بعض الاشخاص قد يجدون احجار كريمه اغلى من الذهب الاف المرات ويبعونها بسعر بخس.. فالحجر الكريم اغلى من الذهب كثير ويكون في العادة في القبور القديمه


طرواده

76

حدن خابر اشارت ضبع ماسك ربعيه نفر امبارح كان في شارع الجامعه ضبع شارب ربعيه وقالبها دندره


المتأني

77

يا اخوان والله الدفائن موجودة واللي بحكي غير هيك بكون جاهل او اله اهداف خاصة وانا بعرف ناس ومتأكد ميه بالمية انهم استغنوا من وراء الدفائن ومنهم مثل مش بعيد رجل اشترى بيت جدي القديم الله يرحمه ولما هدمه وجد فيه جرة مليئة بشهادة جدي بس يا اخوان هي شغلة ارزاق من رب العالمين يعني في ناس يقضوا عمرهم بالبحث دون نتيجة وبعضهم الله بيرزقه بالصدفة دون جهد وسبحان الله.


هندي احمر 3

78

-----------


الصحيح

79

كلام الدكتور مزبوط 100 % بس التخلف و الجهل اللي عند بعض الناس صار عنوانة مرض اسمه الكنز لا في واللى صارو اغنياء اللى بتحكو عنهم صارو اغنياء لانهم بضحكو على الناس اللى زيكم


ل 62

80

جهاز يعطي تحت الارض 8 متر وفوق الارض 150 متر مربع دقيق 100% ليس خف انما اشبه بلاب توب صغير الحجم شاشه ملونه صوره واضحه السعر 100


بوراس حفير سابق

81

ناس ضيعت حلها ومستقبلها من وراء الذهب كله وهم


الرومي الملكاوي

82

السؤال اللي بيطرح نفسه؟ اذا فيش ذهب وفيش لقايا وفيش انتيكه !!! ليش ممنوع المواطن يبحش ويدور عليه. وليش كل شهر بيروحوا الملكاويه يتواسطوا للشباب الحفيره .! اتركونا بحالنا ما هو فيش زفت وبصل يا كراسنه ومحيسن..


مغـــــــــــــــــــــص كـــــــــــــــلوي

83

مســـــــــــــــــــــــاكـــــــــين ما اسمعتوا بمسلسل رأس بطليموس تحت الدرجات من بطوله : النجمه نـــــــــــــــــــــــــــــــدى وِِِِِِِِِِِِِِِشـــــــــــــــــاركهـــــــــا ألبطوله ألنـــــــــــجم ألـــــــــــــــصاعد الـــــــــــــــــــــــــــــــــــواعـــد : عـــــــــــــــــــوض الهبيله. اخــــــــــــــــــــــــراج : أبو حـــــــــــــــــــــــرب مــــــوقـع ألتصويــــر :شـــمال كـلـية الحصن. تــــــــــميويــــــــــل عـدد من المغفلـــــــين..


عاشق الذهب

84

" الاردن بلد المعدن الاصفر , بلد الحضارات , المؤابيون , العمونيون وجررررررررر ..................


الى 81

85

ايميلك وغير السعر اللي حكيتو لا تغلب حالك والله على ما اقول شهيد واتمنا تكون صادق


مغــــــــــــــــــــــــــــص كاــوي

86

وأكــــــــــــيد ما اسمعتوا بالكليب الجديد ل : عـــــــــــــــــــــــوض ألهبيله والبودي قارد. هـــــــــــــــــــذا بعــــــــــــد ما ابو حرب يطلع رأس بطليـــــــــــــــــــــــــــوس ويحطه بفقار .... أخبار عوض: نصب ع الخباز ب4 الاف دينار وكتب شيكات انحكم عليهن . والكليب القادم رح يصور مناظره الداخليه بقفقفا والمناظر الخارجيه على ظهر الحقاف. بالمناسبه عوض يعمل فراش في احد المدارس الحكوميه.... وم بتحاكاش..... حول


ffffff

87

الله يلعن اربد واهل اربد والله ما نحسنا غيرهم


رد عتعليق 15 (كاشف الغطاء

88

إلى تعليق 15 إنت غلطان البلاد المجاورة مليانة ذهب متل فلسطين واسوريا بس الفرق الوحيد إنو عندهم عادي أي واحد بلاقي شي بكون إلو وما حدا بدري أما عنا إذا بتلاقي 50 ليرة بتيجي الحكومة بتنسيك الحليب إللي رضعتو من كتر ما بتحط فيك قتل و بالأخير بتعطيك ليرة تروح فيها عبيتك وبوكلو الباقي


مزليط

89

والله هاي فكره مرتبه لانه في بالحاكوره الغادي درنا جنب الموبره مقبره رومانيه خطره بحشها اعمامي زعل رحمة جدي ومخلاهمش لانه في عليها جني حارس من النوع القوي وخاف عليهم بدي اتعلم صنعت الجن والعن عرصه وبحشها احسنلي من التوجيهي


امبورص

90

أدعو جميع المبورصين وخصوصا في اربد ان يبدأو بالتنقيب عن الدهب والمجوهرات لعلهم ينسو ما فعلته فيهم الحكومه..(وأن تضيء شمعه خير من ان تبقى تلعن الظلام)ولعل الحظ يزبط مع البعض.


حفار قبور

91

انا مرة كنت احفر بقبر روماني وانا بحفر دق الفاس وعلق باشي وطع صوت رنة غريبة المهم طلعت باب المغارة والمهم فتحتها وجبت البيل(ضو) ويييياااااااااااه ما احلى المنظر جوا انصعقت وانبهرت لما شفت ماكينات خياطة نوع سنجر محطوطة على الرفوف وبعدها لسة بورقتها جديدة لنننننججججج


يحيى خليفات

92

مع احترامي للمحيسن معضم الي حكاه مو صحيح1- مقبره فرعون صحيح معضم الزين زاروها توفو بسبب عرفوه بغبار القبور 2-الرصد موجود لانو الرصد من الجن وسحر وهاي اشي اكيد كل الناس بتعرفه3-هناك علامات على وجود الكنز مثلا علامة الافعى وعلامة المغاره وعلامت العربيد وعلامة السلاسل وا علامة القرد الى اخره....


تاجر سيارات

93

فعلا كلام عبير صحيح تعليق 11 انا مع رايك يا عبير تحياتي الك


محمد

94


لالا

95

والله البورصه اخذت عقول الناس حرم بدهم ولو بصيص من الامل


بسمع وبعرف ولقينا

96

يا جماعه انا امي انفتحتلها مغاره كلها ذهب راحت تركض على جدتي تحكيلها رجعت ما لقت المغاره يا ترى شو اللي فتح المغاره وشو اللي سكرها؟اكيد الرصد واللي ما بعرف يسأل اهل بني كنانه واللي لقى التمساح يخبرنا ..............وصحتين على حسون


كوساية

97

صاحب احد المولات باربد لقي ذهب وصار مليونير بعد ماكان مديونير


سامحني

98

ساعة ونص جلست بجانب حازم وهو اللي علق كل هالتعليقات والان كشفتىالسر بكتبوا وبعلقوا لحالهم باسماء مستعارة


من مغص كلوي الى الرومي الملكاوي

99

الف تحيه ويســـــــــــــــلم ثمـــك يا ابو نضال...


سوسو

100

شكلو الدكتور ملائيله كم جره ذهب وبده يبعد التهمه عن حاله وانا بعرف ناس كتير لائو ذهب بالارض...


مغترب

101

يا اخوان الحكي هادا صحيح وانا واحد من الناس اللي اشتغلوا في هادا الحكي والحمد لله رزقنا


من عاجل الى مومني وصل

102

بدي اسالك سؤال بتعرف بسام المومني


جرشـــــــــي وصل

103

والله في اماكن في مدينة جرش مش بالاثار المعروفه لكـــن في مناطق محيطه بالبلد مليانه مليانه بس بدها زلم ما بتخاف الحفـــــــــر واعطيني على طواحيني



104

يعني الدكتور بناقض بحاله بقول ما في كنز مدفون وبنفس الوقت بقول لاقوا بمصر وبقول ما في كنز والكنز يورث واسمعنا كثير بانه ناس لقى وبين عليها نعمت ربنا ونسي الدكتور الزلازل والخسف الي حل بمدن وقرى واقوام عده مع احترامي لراي الدكتور والباحثين للاثار ربنا سبحانه وتعالي بقول بسورة الزلزله واخرجت الارض اثقالها وفسروها يا علماء ومن علامات يوم القيامه خروج الكنوز من الارض والله الواحد لما يسمع كلام ربنا المفروض انه يؤيد هذا الامر مش ينفي وسلامتكم


ريماالخليلي

105

ياشاطرين احنااصحاب الذهب براحوب وزغيب اسالوشمة الموسى


دكوش

106

بتقصدوا بالرصد الارصاد الجوية ؟ ارجو التوضيح وشكرا. طيب في بعمان رصد؟


ميزو

107

شو يا محيسن بتفكرنا خواريف بتضحك علينا.....جاي تبيع المية بحارة السقايين.....الذهب معبي الاردن وكل الناس بتعرف ....


انوار

108

عيب ياسوسنه تستخفوا بعقول قرائكم


احمد

109

ياسوسنه والله كنت فوق بس هيك مواضيع بتخلي الواحد يعيد حسااباته


متعب حفير

110

عندي راس ثور على باب مغاره يعني هذاحكي فضي


خلدونالخليلى

111

راحوب ام الذهب


خبير مغر

112

هذه الظاهره حدثت ايظا في نهاية السبعينيات وبداية الثمنينيات في قرى اربد بحيث تجد ان العائلات تصحى بعد منتصف الليل وكل واحد يوخذ فاسه وكريكو ويمد على المغر وايظا تجد بين العائله الواحدة كلمه سر بينهم وبتلاقي الناس في النهار نايمه وفي الليل شغاله في الجبال


اردني فل بجلده

113

تعالو على المفرق واسئلو عن الراعي ركان الشبيب الي صار ملتي منيونير


جاك مشاكس

114
الذهب الرماني

الذهب الروماني موجود في شمال الاردن في عجلون وفي جرش واربد والرصد موجود والله موجود ممممممممممممممم والله يارب فرجك


يعموووون

115
ذهب

يا جماعة الي بدو يعرف الذهب و الرصد يروح الحصن و أمو داعيتلو اذا بعرف النعيمة و بروحها الأردن واللة ملآنة ولازم نعمل مظاهرة نطالب بحق البحش من دون قلق حكومتنا الغالية يؤخذو نسبتهم و أخنا موافقين بس ما يشيلو كلشي


مجهول

116
بس بلاش

يا عم عن شو بتحكي الله يصلحك ...



118


قرفان

1
خرابيط

والله مش خابر حدا حكم الجن غير سيدنا سليمان واعتقد انه مات زمان



119



120


رشا بني صخر

121
وجود الذهب

ياشباب عنا بمنطقت الخناصري بلمفرق جبل مليان ذهب بس ماحد بيقدر يطلعه اصله مرصود..


]دفين تركي

122
حقيقة الدكتور هذا

بدي اكدلكون انو هاد تركتور مو دكتور لأنو هالتركتور جرف الارض كلها باينتو ومالائى شي يعني بالعامية طلع طشم هاد اكيد ماعندو ايمان بشي غير بهالكتابين اللي ئاريون وصاير عالاساس دكتور والسلام على امتي امة محمد عليه الصلاة والسلام والسلام على اخواننا النصارة امة عيسى عليه السلام والسلام على كل من اتبع نبي بالحق ارسله الله الينا ليحمينا من عذاب يوم القيامة


انا

123
انتو بس شغل بربرة

ياجماعة الخير وللههههههههههههههه انو في دهب ولي ما عندو معلومات صحيحة لا يناقش لانها كبيرة علا راسو


حكمه الذهب

124
أرزاق

يااخوان الذهب ان مالقاك لاتلقاه يعني ارزاق من رب العباد


الحر

125
........

دكتور........


جار الذهب

126
الذهب

بلده كفرعان فيها الذهب مثل النمل مليان لانه فيها كنائس مدفونه ..


شامم بس مش سامع

127
رصد وما رصد

أخواني الاحباء مين فيكم عمره شاف واحد ضربه رصد او قتله رصد اريد ان انبهكم لشيء ليكون الجميع على علم بشأن الرصد قال أحدهم انا كنت أحفر ومسكت بعد عناء يد الصندوق البغالي المليء بالذهب وما عرفت أطلعه لأنه ثقيل الوزن ورحت انادي اخوي عشان يساعدني رجعت لقيت الرصد سحب الصندوق لتحت فرجعت احفر وارصد يسحب انا بحفر وهو بسحب آخر شيء اختفى الصندوق والذهب ذهب هههههههههياحبيبي انا بقول الذهب موجود وما سحب القرد الي اسمه رصد هذا شيء مبتدع ابتدعته اصحاب الدفائن حتى يرهبوا القراصنه من البحث ويمتنع الناس عن البحث عن الدفائن مثل ما كنا واحنا صغار يقولولنا اهلينا اياك تخرج او تغلب بابا او تصيح احسن ما يطلعلك ابو رجل مسلوخه والرصد بكون جوز اخته لأبو رجل مسلوخه والي بخوف اكثر من الرصد ابو رجل مسلوخه لأنه هو الاصل وسلامتكم


يا أخي

128
شووووووو

بلا كلام فارغ


أبو علاء

129
ألسوسنه

أبو علاء نفسي أعرف أشي واحد الذهب ألي طلعوه من ألحسا دفين غرفه مليئه بذهب التركي صناديق والي أستولت عليه الحكومه الااردنيه وحملوه قدام الناس في طائرتين هيلوكبتر لمين راح والله بيغني كل ألاأردن ....؟


عدنان

130
الذهب حقيقة والا كذب

انا بعرف اشخاص كانوا يبحثوا عن ذهب لدرجة انهم حطوا اللي فوقهم وتحتهم من اموال وذهب وغيره عشان يوصلوا للذهب اللي بباطن الارض مستندين على رجل يساعدهم اسمه ابو محمد طبعا من سكان اربد اكتر من اربع سنوات وهمي بدفعولوا وهو بحكيلهم اليوم وبكرة لحد ما راحت السكرة واجت الفكرة واتضح انه نصاااااااااااب عشان هيك الحذر الحذر يا اخوان وقت ما بدور ع ذهب ما تلجؤا للنصابين وعلى فكرة بلغوا عنه انحبس شوي وطلع منها وهني اللي أكلها..........بحصوص الذهب ما بعرف الحقيقة بس اللي متأكد منه انه الاردن بلد الحضارات كم حضارة احتوت الاتراك الرومان وغيرهم كتيرررررررررر............والله اعلم


جمال

132
ولك في ذهب الله يرزق

انا من المفرق اعرف ناس لقو ذهب حول الرويشد ذهب في مسلك وادي ومش مرصود اي فوق الارض


الركيس

133
الاركيس

إنا شفت رصد حقيقي


عبدالله

135
في ذهب10000000بل100

كيف فيش ذهب بس لا ترودو ما بيدهم ايانا نصير معنا مصاري دورو ونشالله تلقو


عبدالله

136

في ذهب وفي رصد بس الرصد جن امرو سهل بل قرئان


الزواهره

137
الدهب

للننننجبغةبجججججةنتن


ريناس

138
في ذهب

في ذهب مجمع المحطه الجديد مش راضين يشغلوه علشان فيه دهب خايفين حد من الناس ياخده ليش خلي الشعب يعيش


اللهم صل على سيدنا محمد

139
الله يبشركم بالخير

انا بصراحة كنت اشوف كتير اشارات على صخور بس ما كنت اعرف معناها ....خلصصصصصصصصص
اجا الوقت و الله يرزق من يشاء
الله يرزقنا و يرزق كل الناس بالحلال ?


مرو العامره

140
اربد مرو

انا واحد من الناس الي لقو الذهب ولقتو على شكر حراثين وانا هلا ماني سائل عن حد المصاري في الملاين وكل شهر بركب سياره شكل وهلا عندي عمارات وشقق سكنيه والي بقلك الذهب مو موجود قله كذاب في نص عينك


...

141
...

...


الكنج

142
اخ يبطني

اولا استاذنا الغالي ليش ما ذكرت غير الحيه والعقرب وين راح والسلحفه والنسر والجمل والثور والقرد والجرون والاسماء والمفاتيح يستر بيتك خلينا بهمنا


اسكندر

143
مطلوب

انسو الكلام الفاضي انا عندي محلات مرصوده والله بتعبي شاحنات بس من وين جانا الرصد اخو الدايخه اللي عندو شيخ يفك ارصاد يقولي وانا جاهز


خالد محمد

144
عن الذهب

انا شخصيا بعرف واحد يقال انه كان عامل بشركة البيبسي قبل 10 12 سنه ولاقا صندوق ذهب صغييييير والان اصبح عنده مولين كبار وتحت ايده اكتر من 50- شغيل وانا واحد من الي اشتغلو عنده وبعد ماكان من سكا ن احد المخيمات الهامله صار من سكن طبربور ويملك واسطات بتخوف ومعارف خير الله ومنافسه محمظه واخر حديثي خاف من الجعان اذا شبع


نظير المصري

146
راح نشحد الملح بس اصبروا

سبحان الله حتى الحفر مستكثرينوا على هالشعب الماكل روح الخل خليهم يحفروا مادام ما في ذهب وهم اكيد مبسوطين لو بلاقوا حتى تنك.


نظير المصري

147
راح نشحد الملح بس اصبروا

سبحان الله حتى الحفر مستكثرينوا على هالشعب الماكل روح الخل خليهم يحفروا مادام ما في ذهب وهم اكيد مبسوطين لو بلاقوا حتى تنك.


نظير المصري

148
راح نشحد الملح بس اصبروا

سبحان الله حتى الحفر مستكثرينوا على هالشعب الماكل روح الخل خليهم يحفروا مادام ما في ذهب وهم اكيد مبسوطين لو بلاقوا حتى تنك.


احمد

149
دكتور شو

ما دامك دكتور بتقول الرصد خزعبلات معناتة ما عندك علم بلاسلام قبل الاثار والحجار تعال انزلك بموقع مرصود على عمق 6 متر وان ما طيرك الرصد 50 م بالهوا ونزلت ميت مثل المصري اللي مات اطلب واتمنى يا باشا


قرد حفر

150
دمعه وبتنشف

البنسه أ والفأس


جمال على

151
خبير فك الاشارات التركيه والرومانيه

اقوم بتحليل جميع الاشارات التركيه والرومانيه الحفر والنفر وتحديد مدخل المغاره وتحديد اماكن الافخاخ والالغام التركيه.....وموضوع الذهب التركى حقيقى وليس خيال او وهم واحترسو من الالغام توجد الغام كثيره بالدفائن التركيه للتواصل على الياهوJAM77_77_77


الرصد

152
تعالو جررررررربو

إلي بدو يدور ذهب يا ووووووووووووووووووويله


الرصد

153
تعالو جررررررربو

إلي بدو يدور ذهب يا ووووووووووووووووووويله


,

154
,

,,,


سمر سماره

155
اشي من الاخر

انا مش عارف من وين جاي


محمد الشهراني

156
تعليق

ليش فيه رصد خ=حقيقي


محمد الشهراني

157

كيف رصد


اردني على دكة الاحتياط

158
ارزاق

والله ياجماعه صار هالموضوع حلم كل الفقراء..الله يرزق الجميع...بس الحكومه الله يقطع رزقه..الذهب موجود لكن هو رزق من عند الله...


احمد فحماوي

159
شو يا دكتور

بدي اسئلك سؤال شكلك عمرك ما شفتو ولا امسكتو بس في غيرك شافو صحصح يا دكتور


الرزق بيد الله

160

ياااا اخوان الله يرزقنا وأياكم رزقة حلال . ويكفينا رزقة الحراااام يا رب


ذهب

161
ذهب

اتفرج على راحوب ولي طلعو ..


ذهب

162
لقايه

روح اتفرج على راحوب


ابوعلى

163
الدفائن

اذا الاخ الدكتور والاثار تقول لايوجد ذهب فى الارض ليش يمنعوا الناس الحفر والبحث ودخول الاجهزة ز مع العلم انه ممنوع تحفر فى بيتك او ارضك وشكرا


شحدتونا يا افاضل تفووووو

164
انا عندي مواقع كثير الي عندو جهاز طبقي يتواصل معي

الي عندو جهاز طبقي يتواصل معي وعلى النص يا شباب هي ايميلي conspiracy.haitham@yahoo.com


اربد

165
الذهب موجود

الاردن ارض الحضاراة اكيد فيها ذهب كثير بس بمنعون من الحفر لانهم يبون الذهب لنفسهم وناس كثير صارو من فقراء لاغنياء


خريوش

166
الذهب

الله يطمنك يا دكتور لاني سمعت ان في واحد في البلد عبا طيارة ذهب وخطفوها الاتراك


البرنس

167

بتحكو ما في ذهب تعالو على قرية مخربا وسئلو عن الذهب ولي لقوه البلد مليان دفائن



168

...


حسين

169
عندى مقبرة مقفولة

السلام عليكم
انا من مصر عندى مقبرة مقفولة فى اسوان ومتاكد بان المقبرة بها اثار اريد من يستطيع الحفر ولديه الامكانيات التواصل معى وبالنسبة الا يريدها

male7221@yhahoo.com


  • الاســم :
  • عنوان التعليق :
  • * نص التعليق :



التعليقات تخضع للرقابة قبل نشرها