عباس : غضبنا كبير ولن نغفر ..   |   صماء تفوز بلقب ملكة جمال العالم   |   منى ابو حمزة : شرفُنا مغتصبٌ والكلُّ في سباتِ العهرِ نائم!   |   إليسا: عمتم مساءً يا حكام العرب   |   حوار بين اسرائيلية ومصري .. عجائب الزمن   |   ارتقاء 10 شهداء مع الافطار .. حصيلة   |   الاردن يصدر 22 الف طن بطاطا ..   |   نتنياهو يرسل جنود الفلاشا والدروز للقتال في غزة .. صور   |   الدردور يغادر للاحتراف في فريق الخليج السعودي   |   حزيران الماضي الأشد حراً في العالم منذ عام 1880   |   70 شهيدا في غزة اليوم حتى اللحظة   |   هذا العائلة استشهدت كاملة بقصف العدو على غزة .. !   |   البطاطا الحلوة واسرار الصحة   |   شيخ ازهري : حماس خالفت السنة بأسر الجندي شاؤول !   |   المجالي يبحث مع الداخلية البحرينية التعاون الامني ..   |   سفاح مجزرة الشجاعية غسان عليان يعود للقتال في غزة ..   |   الاردن : بيع الاسود في المحال التجارية ..   |   مدريد يضم اللاعب رودريغيز بـ 80 مليون يورو   |   النسور : ملتزمون بخطط المبادرة النيابية ..   |   أرادوا فضح موقف مصر فألغى ابوحسان مؤتمرهم ..   |   التوتر عائقاً للانجاب   |   النائب عويس يدعو لطرد سفير العدو   |   انهاء اضراب الممرضين ..   |   دعوة النواب للاعتصام قرب سفارة العدو‎ ..   |   مجلس النواب يحذر ..   |   حملة تبرع بالدم في مؤتة لغزة   |   الطراونة : العدوان .. جريمة حرب   |   أول رياضي في العالم يمارس التنس بلا يدين   |   جوجل تعمل على إصلاح مشكلة في كروم تستنزف البطارية .   |   غزة تحترق والعرب خارج التغطية !   |  

امتحان تنافسي لـ 400 وظيفة حكومية

17/02/2009 00:00


يجري ديوان الخدمة المدنية أول امتحان تنافسي أواخر الشهر الحالي لإشغال نحو 400 وظيفة حكومية على جدول تشكيلات العام 2008 الذي أقره مجلس الوزراء مؤخراً، وذلك بحسب مصدر مطلع في الديوان.
وقال المصدر في تصريحات ل الرأي أمس إن الوزارات والمؤسسات الحكومية أنهت تقديم حاجاتها من الوظائف للديوان الذي بدوره هو الجهة المسؤولة عن عقد الإمتحانات التنافسية لغايات إختيار الأكفأ للتوظيف. ونصت اسس اختيار وانتقاء الموظفين، التي أقرها مجلس الوزراء للأعوام 2006-2009، على أن يتم إعداد الكشوفات التنافسية لطالبي التعيين من حملة الشهادات الجامعية وشهادات دبلوم كليات المجتمع الشامل لغايات إجراء الامتحانات التنافسية والترشيح للتعيين بناء على مقياس تنافسي يقوم على أساس الكفاءة والأقدمية. كما نصت على أن يقوم الديوان بترشيح ستة أشخاص أو العدد المتوافر إذا كان أقل من ذلك للوظيفة الشاغرة الواحدة، مستنداً إلى الكشوفات التنافسية التي تم إعدادها تمهيداً لإخضاعهم للامتحان التنافسي الذي يشرف عليه الديوان. وأوجبت الأسس على الديوان أن يعقد الامتحانات التنافسية وتكليف الخبراء المختصين لوضع أسئلة الامتحان المطلوب وتصحيحها وفقاً لاحتياجات الدائرة، ويخصص لذلك 40 علامة.
ويعتبر المتقدم للامتحان ناجحاً إذا حصل على 20 علامة، وتتحمل الدائرة أو الدوائر المعنية تكاليف عقد هذه الامتحانات التنافسية وما يتبعها من إجراءات. وتنص الأسس كذلك على أن يعلن الديوان عن أسماء الناجحين في الامتحان التنافسي بالوسائل التي يراها مناسبة، ويكون ترتيب الأسماء في أحقية الترشيح للتعيين وفق مجموع النقاط التراكمية لهم ومجموعها (80) نقطة وهي حاصل جمع النقاط التنافسية وعلامة الامتحان التنافسي.
وبحسب الأسس، تقوم الدائرة بدعوة الأشخاص المرشحين للمقابلة بالإعلان في صحيفة محلية يومية واحدة على الأقل في موعد لا يتجاوز أسبوعاً من تاريخ تسلم قوائم المرشحين للمقابلة، على أن يتم إنهاء جميع الإجراءات المتعلقة بالاختيار خلال أسبوعين من تاريخ تسلم القوائم للمقابلة وبعكس ذلك يقوم الديوان بسحب قوائم الترشيح وإعطاء الأولوية للدوائر الأخرى. وبلغ عدد الوظائف الجديدة المستحدثة في تشكيلات 2008 لغايات التعيين في الوزارات والدوائر والوحدات الحكومية 12858 وظيفة، فيما بلغ في الوحدات الحكومية والمستقلة 1140وظيفة. وتركزت الوظائف الجديدة في وزارتي التربية والتعليم والصحة بواقع 6588 وظيفة للأولى و1810 وظائف للثانية والبقية للوزارات والدوائر الاخرى.. واشتمل جدول التشكيلات على نقل موظفين بين الوزارات والدوائر الحكومية بواقع 492 موظفا، فيما تضمن النقل بين الوحدات الحكومية المستقلة 62 موظفا.  " الراي "



الكرك

1

انا من الكرك خريج جيولوجيا 2003 وما زلت عاطل عن العمل مع العلم ان ترتيبي في المحافظه ذكور هو الاول او الثاني من خمس سنوات فهل يعقل يا اخوان ان لا يعين في محافظات الجنوب الكرك والطفيله ومعان والعقبه خلال هذه الخمس سنوات اي من خريجي هذا التخصص المهم والمطلوب في السوق المحلي كما يقال او حتى ان تطلب الدوائر والوزارات وسلطة المصادر الطبيعيه هذا التخصص مع العلم ان هناك شواغر ونقص في هذا التخصص في هذه الدوائر والوزارات وبالاخص سلطة المصادر الطبيعيه في الختام وفي هذا الصباح الخير من صباحات هذا الوطن ابعث تحياتي وتحيات خريجي هذا التخصص الى مقام حضرة صاحب الجلاله ابا الحسين الذي لم ولن يتوانا في انصاف المظلومين واصحاب الحق وعاش الاردن وعاش الملك ونن الجند الاوفياء لك يا ابو حسين


النمر الأسود

2

أسئلة امتحان التنافس : 1- هل لك عم وزير ؟ 2- هل لك قريب نائب ؟ 3- هل لك قريب يحمل لقب " دولة" ؟ 4- هلك قريب يحمل لقب "معالي" ؟ 5- هلك قريب يحمل لقب "عطوفة" ؟


مزليط

3

حلوا عنا الكفاءة دمرتوها لما الواحد يقعد اكثر من سنه بيشتغل اي اشي علشان يعيش بعد سنين اتقله تعال اشتغل بمجالك وبدنا خبراتك للاسف اي خبره وهو حفي بالشوارع وقبل يشتغل اي اشي حتى قرصون ... وابن فلان ... لانه فلان بعر فلان ... ولانه فلان من نفس العشيره......الخ بس تخرج موظف وهو نجح بالتوجيهي والجامعه زق يا اسفاه


مواطن كادح

4

هاظ اذا ما صاروا مداومين وماخذين اجازه كمان


محمد المومني

5

ليش بدهم يغلبوا ويمرمطوا الممتحنين (بفتح الحاء)مهيه العلامات حطوها زمان واصحاب النصيب داوموا


الجليلة- كومبارس سابقاً

6

للأسف بعض الامتحانات التنافسية لبعض المؤسسات الحكومية هي عبارة عن مسرحية يتم فيها دعوة عدد من الكومبارس الحزانى المتأملين بالوظيفة وعشمهم كعشم ابي مرة في الجنة.. وتتم المسرحية في جو لطيف مريح من الشفافية والانبساط ويقرر إعلان النتيجة إلى أجل غير مسمى .. وكلما اتصل أحد الحزانى الكومبارس ليسأل عن موعد صدور النتيجة يقال له إحدى العبارات التالية: "الأسبوع الجاي" "لسا ما طلعوا" "لما يطلعوا بنحكي معاكم" "طالب رقم غلط .. خليني أحولك.. تيت تيت تيت.. ثم يقطع الخط" وهكذا تنتهي المسرحية وتسدل الستارة والحزانى حزانى والكومبارس يدرك متأخراً جداً أنهم ذهبوا لامتحان وظيفة قد شغلت منذ زمن بصاحب النصيب ..


عيب عليكو

7

مكان ما انتو قاعدين تستنو الوظيفة الحكومية قومو دورو على شغل.


ابو الناصر

8

أنا واسطتي رب العالمين أقوى منهم كلهم


إلى رقم 3

9

فعلاً أسئلة صعبة


الصحيح

10

كلام في كلام هات واسطتك وخد الوظيفه وصارو الي الهم واسطه اسماءهم في الماليه وانا مع مقوله ابو عواد شي غاد


ادم

11

اتعينو زمان ما حدى يقدم بس مضيعه وقت ع الفاضي واحد صارلو 8 سنوات رقمه بالديوان 12 ورح يضل رقمه زي ما هو


زميل

12

الى رقم 2 والله يا ابن عمي عانينا قبلك بس الحل بسيط ..جيب واسطه او شوفلك نائب ابن حلال يوظفك .. وانصحك بمتابعة موقع النقابه الاليكتروني فهناك فرص عمل للجيولوجيين الذكور داخل وخارج الاردن والله يوفقك


ارحمونا

13

حسبنا الله ونعم الوكيل انا دوري 4 وتقديري جيد جدا ومالي واسطة وكل يوم بتصفح الجرايد لعلى وعسى يطلعلي تعيين وانا بناشد جلالة سيدنا ينظر في هالموضوع مش بس عشاني عشان كل المظلومين من وزارة التربية واحنا ماالنا واسطة الا رب العالمين وجلالة سيدنا ابو حسينالله يديمه فوق رووسنا


إلى النمر الاسود 3

14

شكلك رسبت بنفس الإمتحان ههههههههههه


ابن الوطن

15

انا تخرجت في عام 1997 ولم احصل على وظيفه في الاردن لغاية الان للاسف، علما اني اعمل منذ سنوات في احد دول الخليج وبوظيفه متقدمه وبراتب مرتفع وانا اعتبر مستشار في احد المجموعات التجاريه العالمية وديوان الخدمة بدور على الكفاءه الاردنية صباح الخير يا ديوان الخدمة العش خرب زمان على رأي جدي


مظايق

16

انا معك يا النمر الاسود كله على الواسطه


حرام عليهم

17

والله اشي بخلي الواحد يقرف انه بني ادم ؟؟؟؟؟؟؟؟؟؟؟؟؟ درسنا وتعبنا وتخرجنا واخدت الرابعه على الدفعه وتقدير جيد جدا مرتفع وصارلي سنه ونص بدور على شغل ومو لاقي شغل متل العالم والناس ........... اشتغلنا بمدرسة خاصة فصلين على سبعين دينار ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟الله اكبر على امل انها تفرج والاقي شغل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بس للاسف الوضع للاسواء والي تخرجو معي وبمعدلات اقل كلهم تعينو وانا بعد الايام ............... الي ما له واسطه شو يعمل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ صح كلنا للتراب بس تعبنا وتعب اهلنا بعز علينا والله


ديدنونة

18

والله الله يعين هل الشباب فعلا يلي ما عنده واسطه مارح ياخدها لهل الوظيفة ........وبتكون الاسماء متل ما قالوا نازله قبل ما يمتحنواالشباب بس هاي الاسءلة للتمويه ومشان يفرجونا انا عنا ديمقراطية التي لا اساس لها الا الواسطه وشكرا


ريمان M.S

19

فعلا إلك واسطة بتمشي ما إلك بظل قاعد وانا مأيدك يا النمر الاسود في الكلام الي قلتو هاد امتحان التنافس للوظائف للاسف


لا يهم

20

الرزق على الله بس هذا الي بقوله


لولو

21

ههههههههههههه انا خريج ال 91 هندسة كيماوية وياما اعملت امتحانات تنافسية واطلعت الثاني على الدفعة وبس رحت اراجع القيتهم حاطين اللى اقل مني تعرفو ا شو السبب قال هم على امانة العاصمة وانا مش معهم طب السؤال ليش قدمتوني للامتحان التنافسي معهم حسبي الله ونعم الوكيل


الى النمر الاسود

22

والله انك صادق في هيك اسئله برافووووووووووووووووووووووووووووو


طالبة

23

ممكن حدا من الاخوه بس بشكل مختصر يوضحلي كيف بكون الامتحان وكيف الاسئله وله جزيل الشكر .


ريمان M.S

24

الى 22 ان شالله بتفرج واصبري (الصبر مفتاح الفرج) واهم اشي لا تيأسي خلي الأمل موجود عندك اهم أشي بس أنت لا ضلي تدمري وتوكلي ع الله


الحزين

25

بعين الله اللي الو واسطة بتوظف واللي ما الو يدور على تكسي



26

ارجو تغيير العنوان كالتالي: امتحان تنافسي ل400 واسطة حكومية


كذابين

27

انا خريجة 94 ودقيت كل الابواب وكلهم وعدوا خير وبعدني بستنى والله أعلم راح أستنى كمان قديش بس الصراحه كلهم كذابين بس وعود عالفاضي قلبي صار يوجعني من كثر الكذب


العصفورة

28

ذل الحياة بآن تكون متيما بهوى حبيب لا يبادلك الهوى قلبى الذى قد كان ينبض قوة من بعد صدك صار منهار القوى القلب ظمان يحبك إسقه ما كل قلب اشرب الحب ارتوى لكن قلبي قد تبدى داؤه من غير حبك ليس للداء دوا فاسقيه ثم اسقيه حتى يرتوي لا تتركه لكي يموت من الجوى


حرام عليهم

29

هينا صابرين يا ريمان بس شكلها ما رح تفرج ؟؟؟؟؟؟؟؟؟ والى لولو 21 قصدهم ما الك واسطه ؟؟؟؟؟؟؟؟؟؟؟ الله بعين مجبورين نتحمل


الاتجاه المعاكس

30

انا دوري على ديوان الخدمه 5 والي قبلي سجلوا بالامن والجيش صار دوري 7 شكله ترمج 2


الي مش عاجبوا ما يقدم

31

انا بعارض اخواني اصحاب التعليقات لاني صدقاً ما وجدت صعوبة بالتعيين نهائيا بذكر تخرجت سنة 1988 وكنت الاول على محافظة اربد - خدمت جيش - قدمت لديوان الخدمة المدنية بكل سهولة اعطوني طلب من الرسبشن سنة 1990 - كان رقمي 2 على محافظة شمال - واني مروح لقاني عجوز بجر عرباي ببيع هريسة عن باصات اربد عمان - وقلي يا عمو مشان تساعدني تجرها بس مع للزاوية - ما وصلنا زاوية الا زلمة واقع ونقلنا على المستشفى- واضطريت اخذ العرباي واسال عن اهله لقيت مالهوش اهل غير عجوز وحدة وشكرتني كثير كثير كثير....وترجتني ازورها ثاني يوم وفعلا رحت كان جوزها ميت - وسرت اخذ اعرباي واجرها للمجمع... والعجوز تجهزها ... واني من هظاك اليوم لليوم ببيع على العرباي ... سارلي 20 سنة ورقمي بعدو رقم واحد والله العظيم .... شفتوا اني صادق بنفس اليوم تعينت يعني لولا اني ما قدمت للديوان كان اني هسع قاعد هامل صايع وطبعا لا تنسوا اني بشهر بطلع 500 دينار . وشكرا لدولتنا وحكومتنا الرشيدة الي طبعا تعاقبت اكثر من 7 حكومات واني بستنى وبقول ... هريسة هريسة


محمد محي الدين الشلول

32

إلى تعليق 3 نعم نعم نعم هذا هو الإمتحان أنا معك قلباً وقالباً


قلـالأردن أولاــبي اناااا مقهوررر

33

واسطه كلها واسطات,, الضمان الاجتماعي-واسطه جامعة اليرموك-واسطه ضريبة الدخل-واسطه غرفة صناعة اربد-واسطه غرفة التجارة-واسطه بنك الاسكان-واسطه البنك العربي-واسطه البنك المركزي-واسطه جوازات اربد-واسطه ملاحظه:- غير الناس اللي ما الهم شغل وبتعينوا خاوه والللههه خاوووه,غير الاجازات اللي اكثر من الدوام مع العلم قانون العمل بحكي 14عاديه و 14 مرضيه بالسنه واذا طبق القانون فعلا بطلع كثير من الموظفين ملحوقين,لانه هاي سرقه من الدوله,وطبعا كله حرام بحرام,,,,وقال ليش الله ما ببارك بالمصاري لازم الواحد يحلل راتبه اللي بطعمي ولاده خبز منه. انا من 96 بستنى ديوان الخدمه يتصل فيه منشان اعمل عرس مطنطن وتعليله 40يوم , وللمفارقه بعرف شباب اتخرجوا في 2004 ومشالله اتعينوا عن طريق الديوان ومعدلهم اقل من معدلي,ونفس الشب حكالي انها واسطه عن طريق النائب الفلاني لانهم انتخبوه,وجامعة اليرموك بداوم الموظف بعدين بنزلوا الاعلان وبحكي هالحكي وانااااااا ربي يشهد كل كلمه بقولها,وكمان بعرف هالواحد دخل سلاح الجو(طيار)ومعدله بالتوجيهي ما بساعده يشغل عسرفيس. مناشدة:- اناشد جلاله الملك الاعلى ان يحارب الواسطه في هالبلد لانها اصبحت ظاهره,,والله يطول عمرك يا ابو حسين


محبط

34

صارلي ستة سنوات متخرج وعاطل عن العمل حتى مصاري لمشروع صغير يسترني مفيش والقاهرني انه عشرات الاف الفرص السنوية بدخل 300 دينار وهو دخل يادوب يمشي واحد عزابي - كلها بتروح لأولاد وبنات اناس عندهم مليارات وملايين قال شو مشان ايضيعوا وقت فراغهم بسرقوا اللقمة منا لا والواحد عندو سيارة بمية الف وجاي يدور على وظيفة ب 300 نيرة لاتلومونا لو شفتونا ساطيين على بنوك


بحب النسوان

35

ههههه.. صدق انك ضحكتني يا رقم 30... الله يعطيك العافية... انا الحمد لله اشتغلت بعد سنة فقط... بس برضو تغربت عالخليج... الله يفك ازماتكو ياجماعة وبالتوفيق


لأبو الهريسة

36

تشغلني معك على صنية البسبوسة حطلي بشلن


الجليلة إلى رقم 30

37

عجبني جدا تعليقك وضحكني .. الله يوفقك


ريمان M.S

38

الى 29 لأ ماتحكي هيك انا ألتلك أصبري وتوكلي على الله واكيد يوم من الأيام رح تتوظفي طول مأنت بتحكي هيك وبتدمري ربنا ما رح يعطيك وهادي ارزاق من عند الله . بدي أحكيلك أنا بعرف بنت صارلها مأدمه بديوان الخدمة 12 سنة وجديد اتعينت هادي لأنها صبرت ونالت أتوكلي ع الله ازا هم بشغلو بالواسطة فأنت خلي واسطتك رب العلمين . ماشي .


رجب

39

شو بدكو بوظايف الحكومه 15 الشهر بكون الراتب طاير القطاع الخاص ارحم


Leopard

40

إمتحان تنافسي و حرق أعصاب عشان 230 دينار. خلينا نهج بره البلد أحسن خليها للعراقية.


انا

41

شوووووووووووو امتحان والله هاد الناقص عالشيب والكبر جايين يقولونا امتحان والله ادا ضلت هاي السيرة عمري ما بتوضف بتعرفو ليش؟ لاني عمري ما نجحت بامتحان ههههههههههه


المجهر

42

ديوان الخدمة المدنية لا وبيمنّوا على الناس , وظائف تعبانه وفيها محسوبيات المفروض انه اصحاب الدولة والمعالي هم اكثر ناس بيشعروا مع الشباب وما يظلموا الناس بالواسطات يجب على الحكومة ان تضع حد للمحوسبيات , عندما يصحوا اعضائها


نايفه الرواجفه

43
معان الباديه الجنوبيه

انا اتوقع كتاب توظيفي في وزارة الصحه مابعرف وين الكتاب راح ومن اللي استخدمه لصالح


صويلح

44
امتحان تنافسي

قبل عدة أشهر قرأت بصحيفة الرأي عن وظيفة شاغرة بمؤسسة حكومية. وتقدمت للوظيفة وأنا متأكد أن الاعلان شكلي وان لازم وجود واسطة بس قلت ( اسعى ياعبد ) وطلبوا شهادات واالخبرة مصدقة ودفتر عائلة والهوية وخدمة العلم وبعضها تغلبت صدقا بتصديقها وبعد اشهر اتصلوا للمقابلة والامتحان وسبحان الله بلغوني بعد عشر ايام بالموافقة على التعيين بالدرجة 3 والحمد والشكر لله...


  • الاســم :
  • عنوان التعليق :
  • * نص التعليق :



التعليقات تخضع للرقابة قبل نشرها